قصه... ابني إبن مين

قصه ابني إبن مين




الجزء  الأول والثاني ..

الووو ايوا يا شريف ...الوو نعم يا امي خير ...خالتك هتيجي تتغدا عندنا النهارده هيا وبنتها ولازم تيجي بدري النهارده عشان تتغده معانا ....مش هقدر يا امي عندي شغل كتير سلميلي عليهم كتير ...انت كده يا شريف مقصر رقبتي مع خالتك كده دي جايه النهارده مخصوص عشان تشوفك وتقعد معاك ....هههههههه خالتي ولا بنت خالتي يا امي ...الاتنين يا روح امك متتاخرش ماشي ....هحاول يا امي هحاول ...خلاص متتاخرش احنا هنستناك ماشي ....ربنا يسهل يا امي
شريف يحضر للبيت ويفتح الباب
ازيك يا خالتي وحشاني والله انا سبت الي في ايدي وجيت جري عشان اشوفك والله وحشاني ...ايه وبنت خالتك سلمي موحشتكش هيا كمان ...ازاي بتقولي كده انتوا الاتنين وحشني والله ازيك يا سلمي بقيتي عروسه اهوه يخرب عقلك ايه الحلاوه دي ... يا سلام عليك يا شريف ديما كسفني كده ...اكسفك ازاي دا انتي قمر والله ....اسمع يا شريف المثل بيقول اخطب ل بنتك ومتخطبش ل ابنك ...شريف يكلم نفسه ايواا خالتي هتشتغلني بقي وامي هتخش معاها علي الخط يا حبيبي يا حبيبي ....ايه يا شريف بتقول حاجه ... لا يا امي ولا حاجه ..اه بتقولوا ايه.... بنقول عيزينك انت وسلمي تتخطبوا بقي ونفرح بيكوا ونشوف عيالكوا بقي ...والله يا جماعه انا مش بفكر في الجواز دلوقتي ...ليه يا حبيبي انت مستني ايه ولا ناقصك حاجه ...الموضوع مش كده يا امي انا سلمي زي اختي لا دي اختي فعلا يا امي ومن الاخر كده انا مش شايفها مراتي الصراحه... يعني ايه يا شريف اقفلي علي الموضوع وبلاش احراج اكتر من كده ... قومي يلا يا سلمي عشان نمشي احنا اتأخرنا...استني يا سميره ... لا احنا هنا من زمان نجلكوا مره تانيه ...الام في حرج قدام اختها من كلام شريف ... خلاص يا سميره انا هجيلكم البيت بكره ....تشرفي يا حببتي في اي وقت ومتزعلش يا شريف اني فرضت بنتي عليك دي كانت رغبت امك وكل شئ قسمه ونصيب ...انتي الي متزعليش مني يا خالتي انا اسف انا كنت قليل الزوق شويه انا اسف ... لا يا ابني انا زي امك عادي مفيش مشكله بس دي كانت رغبت امك  والله
تاني يوم ....الووو ايواا يا سميره ...عجبك كده يا ليلي اللي عمله شريف ده يحرجني انا وبنتي كده سلمي من امبارح مش مبطله عياط من الي عملوا ابنك ....متزعليش يااختي وحياتي عندك سلمي ل شريف وشريف ل سلمي  .... ماشي يا ليلي ربنا يسمحك ويسامح ابنك والله البنت ما كلتش من امبارح ...اصبري عليا بس
(بعد اسبوع
ازيك يا امي ...ازيك يا شريف عامل ايه ...الحمد لله تمام اعملي حسابك هنروح بكره مشوار سوا ...مشوار ايه ... زياره عند ناس كده ...ناس ايه يا حبيبي ... انا قررت اني اخطب يا امي ... سلمي صح ...لا يا امي...لا مين يا شريف ...انتي اتخضيتي ليه كده انا هخطب من عيله محترمه بنت ابوها دكتور جامعه وامها دكتوره جامعه كمان وهيا بتحبني وانا بحبها كمان ...وسلمي يا شريف ...انا قلتلك  ان سلمي زي اختي يا امي وانسي اللي بتفكري فيه ده ...انت شايف كده ايواا وده اخر كلام عندي..حاضر يا ابني اللي انت شايفه ... خلاص بقي يا امي متزعليش انتي مش اهم حاجه عندك سعادتي ... ايواا هوه انا عيزه ايه غير سعادتك يا شريف انا هاجي معاك ونشوف العروسه بكره ...هي دي امي اللي بحبها الله عليكي يا ست الكل ...ههههه انا مبخدش منك غير كلام وبس

تاني يوم
شريف يحضر هو ولدته الي بيت جميله يدخل شريف الب يت
ازيك يا دكتور ازيك يا دكتوره احب اعرفكم دي ولدتي ... والله انتم شرفتونا النهارده  ... الله الشرف لينا احنا يا دكتور اخش في الموضوع علي طول انا جاي انا ولدتي اطلب ايد جميله بنتك ... وانا يشرفني انك تكون جوز بنتي بس خد بالك دي بنتي الوحيده مش عندي غيرها في الدنيا دي خد بالك منها وراعي ربنا فيها واوع تزعلها ازعل منك ...دي هتبقي في عنيه والله يا عمي والله ...تعالي يا جميله قدمي حاجه ل شريف و ولدته انتي مستخبيه ليه كده هههههه ما كل حاجه بقت وضحه اهو ... (يضحك الجميع وقدمت المشروب ل حماتها  تقول )
بسم الله ما شاء الله جميله وهيا جميله فعلا .. انا عايز احدد معاد الفرح يا عمي ...والله يا شريف انا جاهز لو عايز تتجوز الصبح  ...خلاص يا عمي الفرح بعد شهر ... ايه يا شريف السرعه دي ...ايه يا امي خير البر عاجله ... انت شايف كده خلاص برحتك
بعد شهر الفرح تم وبعد اسبوع من الفرح أصحاب شريف يتصلوا عليه بالتلفون ...ايه يا عم شريف الجواز حلو ...تمام يالااا عقبالك كده ونفرح بيكم ... تفرح بينا ولا تفرح فينا بعد الشر علينا يا شيري المهم بكره الجمعه وعمل حسابك انت هتلعب معانا كرة قدم بكره انا عامل حسابك بكره ماشي .... هههههه كرة ايه يالااا الله يخرب بيتك انا لسه عريس ... عريس ولا مش عايز تيجي خايف من المدام ياخساره علي الرجاله ... اخاف ايه  احنا رجاله قوي انا جاي بكره
تاني يوم شريف يحضر الي الملعب والماتش بتلعب وشريف بيلعب في الملعب
باص يا عم شوط وتسديده قويه بالكره تخبط  عند شريف وينام في الارض من الألم آه آه ...مالك يا شريف ... مالي ايه يخرب بيت ابوكوا  دمرتوني مش براحه يا عم ...انت الي اتجوزت وبقيت طري قوم قوم فك نفسك عشان الوجع يروح  ...مش قادر يا عصام  ..... لا ماهو لازم تقوم انا دكتور وعارف انا بقول ايه  امسك نفسك كده وقوم ...خلاص يعم هقوم وهكمل لعب كمان ... ايوا كده يا وحش قوم .
خلص الماتش وشريف كمل ومفيش مشكله ورجع علي البيت عادي
بعد شهر من الجواز
شريف انا تعبانه ومش ليا نفس لأي حاجه وديخه طول اليوم ...خلاص تعالي آخدك ونكشف عند الدكتور عصام صاحبي ....اوكي يلااا عشان انا مش قادره
لسه هيطلعوا من البيت ام جميله تتصل بالتلفون
الووو يا جميله الحقيني انا تعبانه اووي ...مالك يا ماما ...مش عارفه يا جميله دايخه وبقع من طولي وابوكي عنده محاضرات   ومش هيرجع دلوقتي  ... خلاص انا هعدي عليكي انا وشريف  عشان انا تعبانه انا كمان وريحين للدكتور دلوقتي ...اوكي يا حببتي
شريف يا خد حماته معاه
للدكتور عصام والدكتور يبدء في الكشف
الف مبروك يا شريف المدام حامل ...انت بتتكلم جد يا عصام ...عصام مين انا اسمي الدكتور عصام لو سمحت ...بلاش رخامه فعلا جميله حامل ...ايواا يا شريف حامل انت مش جوزها ولا ايه ..انت يا عصام ارخم واحد عرفته في حياتي بس بحبك يا احلا دكتور في الدنيا طب شوف حماتي بتشتكي من ايه عشان تعبانه شويه ...لا الف سلامه عليها اتفضلي حضرتك كده لا لا تمام تمام تمام ألحق يا شريف حماتك حامل هيا كمان  .... انت بتهزر بقي ...انت بتقول ايه يا دكتور بقول ان  حضرتك حامل والله ... ام جميله  هي تبكي انت مش شايف اني كبرت علي الحمل ... كبرتي أيه دا انتي قدامي علي الجهاز صحتك أحسن من بنتك جميله ...الفرح مالي المكان ومازالت ام جميله تبكي بشده من الفرحه
وبعد ٩شهور جاء معاد الولاده عند الدكتور عصام جميله وامها في المستشفي
ايه يا شريف مالك ...قلقان يا عصام قلقان ... متقلقش ام جميله ولدت بالسلامه...وجميله يا عصام إتأخرت ليه كده ....يا شريف جميله هتولد قيصري مش هتولد طبيعي وانا اللي هعمل لها العمليه متقلقش....هههههه انا مش قلقان من حاجه إلا منك انت بس.... ليه يعم انا زعلتك في حاجه انا داخل غرفة العمليات دلوقتي عشان  نطلع ليك ولي العهد ..ماشي الله يوفقك علي خير  .....العائله شريف كامله تحضر المستشفي حتي خالت شريف ام سلمي حضرت ..عصام خرج من غرفة العمليات الف مبروك يا شريف ابنك طلع واد اجنبي ياااد يا شريف ايه الحلاوه دي اوربي يلا لا حاجه كده بتاعت بلاد بره .... وريني كده بسم الله الله أكبر عيون خضره وشعر احمر يوووه انا كان نفسي يطلع شبهي او شبه ابويااا الله يرحمه ياخساره هههههه المره الجايه بقي انا داخل اطمن علي جميله ....وريني كده حفيدي يا شريف... اتفضلي يا امي  .... ايه ده يا شريف ابنك ده ....ايوااا ابني في ايه....اقطع دراعي ولا ابنك ولا نيله شوف كده يمكن اتبدل ولا حاجه ...اتبدل ايه هو كيس عصير ...طب أتأكد كده يبني انا الفار بيلعب في عبي  .... ده بدل ما تقولي الف مبروك ربنا يسمحك ...مش قصدي يا ابني بس الولد ده مش شكلك خالص الواد شعره احمر وعيونه خضره انا شكه وريح قلبي .... امي انا داخل اشوف جميله بس علي فكره انا مكنتش اعرف انك بتكرهي جميله اووي كده .... افهم يا حمار ريح قلبي ...سلام يا امي انا داخل اشوف جميله يا فرحت قلبي الي انتي كسرتيها ... روح يا ابني روح ....بس الواد ده مش ابنك او اتبدل دا عيلت مراتك مفيش حد فيهم شعره احمر وعيونه خضره  دا كلهم يقرفوا الكلب ....شريف في صمت شديد وكلام امه بدء يلف في دماغه ....
.......
/الجزء الثاني من قصه
ابني إبن مين

شريف في سره وهو مصدوم من كلام امه والدمع علي عيناه .. ايه الكلام ده معقول امي تكون عيزاني اطلق جميله طيب حتي لو عيزاني أطلقها تطعنها في شرفها وتكسر فرحتي وكمان بتقول مستحيل الولده ده يكون ابني اعمل ايه ياربي  حتي ابني الي كان نفسي فيه امي كرهتني فيه وفي الدنيا اعمل ايه ياربي حلها من عندك يارب ....مالك يا شريف زعلان ليه ايه ده ايه الدموع دي حصل حاجه ....اسمع يا عصام انا هحكيلك الي حصل وكمان انت دكتور ويمكن تفيدني بحاجه ....قول يا عم خلص حصل ايه...هه حصل داا حصل كتير امي بتقول ان الواد مش ابني وبتهرتل بكلام فاضي قلاب بطني وشككتني في نفسي وفي جميله وفي كل حاجه اعمل ايه قولي...طيب امك بتقول ليه كده هوه كان في مشاكل بينها وبين جميله بس لو فيه مشاكل  عمرها متكسر فرحتك بالشكل ده ...بص انا هقولك امي كانت عايزه تجوزني بنت خالتي سلمي وانا رفضت عشان بحب جميله يمكن ده سبب ....علي ما اظن ان ده مش سبب كافي ان امك تتهم جميله  الإتهام الفظيع ده انت عارف ان امك تقصد ايه ان الواد مش ابنك اسف يا شريف مش اقصد سامحني .. . علي ايه هيا هتيجي عليك هوه يوم اسود انا عارف ...اسمع يا شريف انت تاخد امك تمشيها من هنا وترجعها علي البيت وتيجي ليا بسرعه وانا هكون شوفت حل ليك يرضيك ويرضي امك من غير مشاكل ومن غير حد يحس بحاجه ....طيب الله يكرمك يا عصام بس ده سر بيني وبينك ...عيب يا شريف احنا خوات يا جدع
شريف يذهب الي امه...
يلاا يا امي عشان ارجعك البيت ...يا شريف اسمعني ....ولا كلمه يا امي كفايه الي قولتيه...يا ابني اسمعني طب تعال نشوف حماتك ونشوف المولود بتعها ....اسمعي يا امي انا استحملتك النهارده بما فيه الكفايه لو اتكلمتي كلمه وحده من التخريف ده قدام حماتي لا انتي امي ولا اعرفك ماشي... خلاص ماشي بس انا هحسبك علي الكلام ده بعدين مكنش العشم يا ابني ...
شريف وامه يدخلوا الغرفه عند ام جميله
ازيك يا حببتي الف سلامه عليكي والف مبروك ... الله يسلمك يا ام شريف شكرا علي الزيارة دي ....لا ازي ده واجب عليا احنا اهل ممكن اشوف المولد كده .... اتفضلي يا حببتي...
جميله عامل ايه يا شريف انا سمعت انها جابت واد قمر ... اه اه قمر زي امه حمدلله علي السلامه يا حماتي
يلا يا امي عشان ارجعك البيت .. حاضر يا ابني الف سلامه عليكي يا ام جميله استأذن انا بقي ...اتفضلي يا حببتي شرفتيني والله
شريف وامه في السياره ذاهبون الي البيت
شوفت يا شريف الواد الواد ابن حماتك طالع شكل ابوه ازاي ... ابوس ايدك يا امي ارحميني اقلك انزلي من العربيه انزلي  .... ايه يا شريف انت هتسبني في الشارع كده... لا اسيبك ازاي تاكسي تاكسي اسمع وصل امي لحد البيت هيا هتقولك علي العنوان خد ١٠٠جنيه وخلي الباقي علشانك.. تسلم يااستاذ  تسلم اتفضلي يا حاجه ....ماشي يا شريف يا ابني ربنا يسمحك

شريف يذهب الي المستشفي مسرع
ايه يا عصام لقيت حل ارتاح واريح نفسي بيه ... ايواا انا لقيت الحل وهوه سهل وبسيط... قول ابوس ايدك  ... تحليل صغير كده هنعمله من غير ما حد يعرف ... تحليل ايه ده
...تحليلDNAالتحليل ده هوه الفيصل انا متأكد ان الواد ابنك بس انا هعمله عشان ترتاح وتريح قلبك انا عارف ان امك قلبت مخك وحاسس بيك والله فأنا هعمله عشان ترتاح بس ....هتعمله ازاي ده يا عصام ...هاخد منك حقنة دم ومن المولود حقنه ونعمل التحليل ..هيطلع امته التحليل ده ... اسبوع كده ان شاء الله بس جميله هتفضل عندي في المستشفي مش هتخرج قبل التحليل لما يطلع ...ليه كده يا عصام ...امن وامان يا شريف ونته مترجعش غير بعد اسبوع قول ل جميله انك مسافر شغل فاجئه اي كلام كده ... ماشي يا عصام الي انته  شايفه...
عصام عمل التحاليل بالفعل
وبعد اسبوع رجع عصام  علي المستشفي...
ايه يا عصام التحاليل طلعت طمني ارجوك ... عصام في حيره مش عارف يرد علي شريف ..اه طلعت يا شريف بس ... بس ايه يا عصام قول اتكلم ...مش عارف اقولك ايه بس اكيد الغلط عندي انا .... غلط ايه وزفت ايه انا عرفت الي فيها الواد مش ابني صح  وانا عايش مغشوش الفتره دي الواد طلع مش ابني يا عصام ... يعم افهم ايه الدراما دي الي انت عملها انا كملت كلامي التحليل مظبوطه ومش مظبوطه في نفس الوقت ... يعني ايه فزوره هيا... يعني الي حد كبير الواد ابنك بس في شويه حاجات صغيره كده بتقول انه مش ابنك بس ده ضعيف بقول ايه تعال اعملك تحليل يكون الفاصل وتعرف كل حاجة ... ليه يعني... تعال يعم اعملك هوه انت هتدفع حاجه ... خليني وراك يا عصام لما اشوف اخرتها ايه وده هيطلع امته كمان ....لا ساعه او ساعتين بالكتير
وبالفعل تم عمل تحليل . ذهب عصام ل يعرف النتيجه بتاعت التحليل
يا نهار اسود يا نهار اسود اقول ايه ل شريف دلوقتي استرها يارب ياخساره يا جميله يا الف خساره.....








ابني إبن مين
.....

الجزء الثالث والرابع

عصام يذهب الي اخذ التحاليل من المعمل وتكون النتيجه بتاعت التحليل صفر وعصام يحدث نفسه (دلوقتي الواد مش شريف رسمي وممكن تحصل جنايه عندي في المستشفي وانا عارف شريف صاحبي حمار مبيفهمش ممكن يقتلها ويودي نفسه في دهيه اعمل ايه يارب دبرها من عندك يارب )
ايه يا دكتور عصام التحاليل عملت ايه ...لسه يا شريف كمان نص ساعه ...انت مش قلت ساعه او اتنين بالكتير ....ايه يا عم شريف اصبر شويه مش تشغلني معاك انا مش فضيلك اصبر شويه.... ايه يا عصام انت بتتكلم معايا كده ليه ...معلش يا شريف ما متزعلش مني انا متوتر شويه ونت شايف أحداث اليوم عامله ازاي ...انا عارف اني قلبت دماغك وشغلتك معايا بحوار ملكش فيه ... عيب يا شريف احنا خوات ....التحليل هيطلع امته يا عصام .... الدمعه نزلت من عين عصام التحليل طلع يا شريف ...ايواا ايه بقي ....اسف يا شريف اقدر اقولك الواد مش ابنك ....مش ابني يعني ايه يعني انا كان بينضحك عليا الوقت ده كلوا هيا فين  دي هيا فين ....اهدا يا شريف خلينا نفكر هنعمل ايه في المصيبه دي .... مفيش حل غير الدم عشان اغسل عاري هقتلها والله هقتلها ..
وهنا يحضر ابو جميله الي شريف كي يبارك ويهني علي المولود الجديد

الف مبروك يا شريف اخير بقا ليا حفيد وابن في نفس اليوم هههه احمدك يارب ...روح أتأكد إن ابنك ابنك ولا لاء...انت بتقول وضح كلامك ...بقول إن ابن جميله مش ابني ... انت بتقول ايه انت مجنون اعرف انت بتقول ايه ....بقول الي سمعته الواد مش ابني شوف بنتك جابته  منين .... اخرس يا كلب انا هأعرف احسبك علي الكلام ده كويس يا حقير ... انا حقيريا شويه معفنين ورح شوف بنتك جايبا الواد ده من مين والواد ده مش هعترف بيه وهرفع علي بنتك قضيه  وهحبسهالك...اخرس  انا هأعرف احسبك علي كلامك ده ازاي
يذهب ابو جميله الي الغرفه بتعتها في المستشفي ويدخل الغرفه بجوارها طفلها ويغلق الباب عليهم بأحكام ويقول.
قوليلي يا جميله براحه كده وواحده واحده عشان أفهم الواد ده ابن مين ...تفزع جميله من كلام ابوها انت بتقول ايه يا بابا الواد ابن شريف طبعا هو في ايه وشريف فين ...بس شريف بيقول غير كده بيقول ان والواد مش ابنه ...مستحيل مستحيل شريف يقول كده انا عيزه شريف مش قدره اتنفس عيزه  الحقني يا بابا ..وتفقد جميله الوعي
.....
الجزء الرابع من قصه
ابني إبن مين

وتفقد جميله الوعي بعد حديثها مع والدها بشأن الطفل وحضر الدكتور عصام مسرعا الي غرفة جميله ليقدم لها المساعده الطبيه .
خير يا جماعه حصل ايه جميله مالها ...وهيكون وراك خير انت ولا صحبك اخلص شوف جميله مغما عليها وبعدين نتكلم انا ونت ...انا هديها الابره دي وهتكون كويسه بس ساعة ما تفوق تخدها البيت علي طول  منع للمشاكل ....مشاكل انت لسه شوفتوا مشاكل دا انا هخرب بيتك انت ولا كان صحبك شريف الواد تقولوا عليه مش ابنو والله انتوا الي ولاد حرام اتفوا عليك وعليه انا عارف انت السبب في ده كلوا ...يا ابوا جميله متظلمنيش تعال معايا المكتب بتاعي احكيلك الي حصل من تقطق لي سلام عليكوا تعال بس ..

ودخل الاثنين غرفة الطبيب عصام  تحدثا طويلا .
عايز تقول ايه ما انت مظبط كل حاجه انت وصحبك ...لا يا ابو جميله انا مسمحش لك تكلمني كده انا دكتور محترم الموضوع ان حصل  سوء تفاهم بين شريف و ولدته بسب الطفل لون عينه شعره شددت بياضه الحاجات دي فا عشان شريف يطمن امه من غير شوشره وفضائح عمل تحليل DNAالتحليل مأكدش ان الولد يبقا ابن شريف بنسبه كبير طلبت تاني من شريف طلع النتيجه صفر يعني شريف في الأساس مبيخلفش حط نفسك مكان شريف هتعمل ايه قولي انت بقي هتعمل ايه وادي ياسيدي التحاليل قدامك خدها وخد شريف وعملوا تحليل تانيه في اي حته تعجبك ...انت بتقول ايه يا دكتور الكلام ده بجد ...اقسم لك ان كل كلامي صحيح وعايز تتأكد انزل المعمل التحاليل وتأكد بنفسك... اعمل ايه دلوقتي يا دكتور اروح أقتل بنت دي..انت بتقول ايه يا ابو جميله!! ... لا لا ولا حاجه انا رايح اشوف المصيبه دي هعمل فيها ايه ممكن اخدها علي البيت ... المفروض تخدها عشان شريف ممكن يعمل جنايه في المستشفي هنا ... وعلي ايه يا دكتور الطيب أحسن...
وتذهب جميله الي المنزل بصحبت ولدها وولدتها الي البيت وبدء التحقيق معها لمعرفة الطفل الذي انجبته جميله يكون ابن من ولكن لم تسفر التحقيقات عن شيء غير أن جميله مصره ان الطفل ابن شريف ..
ايه يا ابو خالد البنت مصره ان الطفل ابن شريف ... ابو خالد خلاص !! خلاص مش هتندهيني بي ابو جميله يا ام جميله؟... ما انا عيزه اتكلم معاك بسبب الموضوع ده  خالد ابنك من لحمك ودمك إنما  جميله ولا بنتك ولا من لحمك ودمك ... اخرسي ...






ابني  _ ابن_ مين

الجزء الخامس

خلاص مش هتندهيني ب ابو جميله تاني؟... انا عيزه اتكلم معاك بسبب الموضوع خالد ابنك من لحمك ودمك انما جميله مش بنتك ولا من لحمك ولا دمك ... اخرسي اوعي تقولي الكلام ده تاني ولا اسمعه علي لسانك اوعي تفكري ان خالد ابني هيغير حاجه من اتجاهي من نحية جميله ' جميله بنتي الي ربتها واسمها علي اسمي ومفيش حاجه هتغير الكلام ده ...انا مقلتش حاجه بس احنا هنفضل نخابي لحد امته لحد ما نموت والسر يموت معانا ولو حد شم خبر بالكلام ده انا هقتلك جميله بنتي وهتفضل بنتي انتي فاهمه ومش هقول الكلام ده تاني ...انت شايف كده ايواا شايف كده ولو جميله عرفت بالكلام ده او حست باي تغير في المعامله انا هطلقك ومتنكريش الجميل بتاع ربنا ...جميل ربنا؟ ازاي يعني ... انتي مفكره ايه يا هانم ربنا كرمنا وأنجبتي خالد عارفه ليه وشوفي حكمة ربنا في توقيت الحمل والولادة انتي حملتي في خالد نفس اليوم الي جميله حملت في ابنها وولدتي خالد يوم ما جميله  لدت طفلها الي هيا مش عارفه تسجله لحد دلوقتي عشان زوجها  رفع عليها قضية إنكار نسب الطفل شوفي بقي حكمه ربنا ف ده كلوا ربنا رزقنا بطفل عشان يجازينا خير في الي عملناه مع جميله وانتي عايزه تضيعي فضل ربنا علينا في لحظه جميله بنتي وهتفضل بنتي ومفيش حاجه هتغير  الكلام ده انتي فهمتي ....حاضر يا ابو جميله الي انت شايفه وانا اسفه لو زعلتك ... ايوا كده اتعدلي في الكلام أحسن هااا...ههههه خلاص انا اسفه سامحني ...سمحتك يا غاليه وانا ليا في الدنيا دي غير جميله وخالد وانتي ... تسلم يا قلبي ...جهزتي اكل ايه النهارده عشان انا ميت من الجوع و جميله كمان مكلتش حاجه من امبارح ... في ثانيه هيكون العشا جاهز ..

تم تحضير  مائدة العشاء وجتمعت العائله لتناول وجبه العشاء  واذا بي باب البيت يطرق
حاضر مين ايه هتكسر الباب .. انا محضر من المحكمه ...محضر خير يا ابني... في فضيه مرفوعه علي الست جميله
قضيه إنكار نسب طفل ...ياه بالسرعه دي والجلسه امته ... بعد٥ أيام من اليوم...ياااه علي طول كده ... الزوج رافع القضيه مستعجله يا استاذ  ... .
جميله تسمع الحديث بين المحضر ووالدها فتفقد الوعي مباشره من الصدمه .... جميله جميله دكتور دكتور ...
واتا معاد الجلسه وحضر الجميع بما فيهم الدكتور عصام وتحدث شريف الي القاضي وقال كل ما حدث وقدم التحاليل التي تثبت أن الطفل ليس ابنه وهنا حضر عصام ك شاهد إثبات  في القضيه وهنا سئله محامي الدفاع عن جميله وقال له ..
دكتور عصام هل التحاليل تثبت أن الطفل ليس ابن شريف ... تحليل DNA ليس دقيق ١٠٠% .... كيف ذالك ممكن توضح الكلام شويه عشان هيئه المحكمه تفهم واحنا كمان نفهم معاها ومتنساش انك قسمت قسم الطبيب وأقسمت قسم امام هيئه المحكمه ... الي عايز  اوضحه لحضرتك ولي هيئة المحكمه ان تحليل DNA لا يثبت أن طفل ابن شريف ولا يؤكد لأن في ارقام متطابقة بين الطفل وبين شريف وفي ارقام ليس متطابقة بس التحليل الاخر لا يوجد به نسبة يعني نسبته صفر... تمام يا دكتور طيب ممكن اسئلك سؤال... اتفضل حضرتك .. انا أنسان ممكن يكون عندي نسبة عالية ويحدث حمل وبعد شهر ممكن يحدث عندي مشاكل وتبقى النسبة صفر صح .... كل شئ وارد حضرتك كل شي وارد ... حضرت القاضي حضارات الساده المستشارين الدكتور يقول كل شئ وارد فأنا اطالب هيئه المحكمه بالكشف الدقيق علي شريف والتبين من صحه شريف الانجايه وإعادة عمل تحليل DNA له لأن القضيه ليست سهله كما يظن المدعوا شريف ...حكمه المحكمه بتأجيل القضيه لحين الكشف علي شريف الزوج والتأكد من صحة التحاليل المقدمة لهيئة المحكمه رفعت الجلسه .

ويشعر الجميع بالأمل بعض الشئ ويذهبون الي البيت وعندهم يقين من الله انه سوف يثبت أن الطفل ابن شريف
 ان شاء الله يا جميله ربنا هيظهر الحق ... ان شاء الله يا بابا ربنا كبير وقادر علي كل شئ تعرف يا بابا انا بفكر في الانتحار ...استغفري ربك يا بنتي وقومي صلي ودعيله يطلعلك من المحنه دي ....
تقوم جميله تتوضأ وتصلي
ايه يا ابو خالد طيب لو التحاليل مثبتتش ان الطفل ابن شريف هنعمل ايه ... انتي هترجعي تخرفي تاني يا وليه انتي الواد ابن شريف افهمي الواد ابن شريف وربنا هيظهر الحق .... وجميله ... ملها جميله... بعد الشر بعد الشر يعني والعمر الطويل ليك  يعني هتورث فيك ... اه هتورث فيا ... ليه يا ابو خالد جميله مش بنتك عشان تورث فيك ...انتوا بتقولوا ايه انا مش بنتك يا بابا ..
الكل في صمت رهيب رد عليا يا بابا انا مش بنتك ......
......
 ابني_ابن_مين

الجزء السادس

انا مش بنتكم انا ازاي انا بنت مين حد يرد عليا ...يا جميله يا بنتي اسمعيني ... اسمع ايه واتنيل ايه ما انا سمعت كل حاجه وعرفت كل حاجه انا بنت مين ابويا مين امي مين اكيد انا في حلم صاحوني بقي انا عيزه اصحي ...يا جميله انتي بنتي ودي امك .... لا ما خلاص بقي انا في كابوس يا جماعه شريف يقول إن ابنه مش ابنه ومش راضي يعترف بالطفل ويرفع عليه قضيه ...وكمان اكتشف ان الي عشت معاهم عمري كله ميطلعوش اهلي انا عيزه اعرف اهلي فين حد يرد عليا ارحمني يا ربي .....
وتنهار جميله وتصاب بانهيار عصبي وتنقل الي احدي المستشفيات للعلاج ...
عجبك كده شوفتي اخرت الي حصل بسببك ...انا عملت ايه يعني انا مش قلتلك متفتحيش الموضوع ده تاني اهي سمعت كلامك ...وانا اعرف منين ان هيا كانت هتسمع .... انتي عارفه جميله لو حصل فيها حاجه انا  هعمل فيكي ايه انا هطلقك.... انت بتحبها ولا ايه يا محمود ...ايوا بحبها مش بنتي الي ربتها ...لا اقصد حب من التاني ....ويرفع ايده ويخبطها كف امام الجميع في المستشفي اخرسي يا بنت  انتي اكيد مجنونه مجنونه ....وتذهب غاضبه
 المستشفي وصوابع زوجها معلمه علي وجهها وفي لحظه غضب تذهب الي شريف
انتي جايه هنا ليه ... جايه عشان اقول لك سر خطير في صالحك وهيكسبك القضيه ....سر ايه ده ...مش هينفع من علي الباب .... تعالي خشي جوه لما نشوف اخرتها معاكوايه وايه الي في وشك ده وصوابع مين دي ... ملكش دعوه اسمع ... قولي يا ام الصون والعفاف ... الصون والعفاف مش بنتي ولا بنت زوجي محمود...  اهدي شويا كده ووضحي الكلام...جميله مش بنتي ومش بنت زوجي جميله بنت  جبناها من ملجئ عشان انا كان عندي مشاكل ومبخلفش  وكأن عمرها شهر وخدنها وزوجي اصر انه يكتبها باسمه وخدنها وربناها أحسن تربيه ...يعني جميله انتوا جيبنها من ملجئ ... اه ...اااااه ايه يا نصابين انا هخرب بتكوا امشي اطلعي بره يا وسخه امشي... علي العموم انا جيت قولتلك الحقيقه شوف انت هتعمل ايه ... انا هعمل عمايل سوده عليكي وعلي زوجك وعلي جميله يا ولاد الحرام ايه العائله دي امشي طلعي بره .......





ابني_ابن_مين

الجزء السابع

انا هعمل عمايل سوده عليكي وعلي زوجك وعلي جميله امشي اطلعي بره ...
وهنا اتي موعد الجلسه في المحكمه اليوم الذي ينتظره الجميع جميله في خوف شديد من أحداث القضيه والجميع ينتظر ماذا سوف يحدث حضر الجميع الي قاعه المحكمه ...
ويبدء محامي شريف من المرافعه امام المحكمه ...
سيدي القاضي حضارات الساده المستشارين كما تبين لنا من القضيه أنها قضيه شرف وإنكار نسب وتبينا لنا من الفحوصات الاوليه ان الطفل ليس ابن ل شريف من قريب أو بعيد  وتبينا لنا أيضا أن جميله قد اخدها ولديها من ملجئ للاطفال لأن في هذا الوقت لم تقدر ام جميله او ام خالد الآن لم تستطيع الإنجاب في هذا الوقت وهنا قاعة المحكمه في صمت شديد مما سمعته من محامي شريف... وهنا تدخل والد جميله ..عايز اتكلم يا سيادة القاضي ...انت مين ... انا والد جميله الي المحامي بيقول مش بنتي ... عايز تقول ايه ... عايز اقول ان جميله بنتي من لحمي ودمي انا ابوها الحقيقي لما زوجتي اصبحت حالتها الصحيه لا تسمح بالانجاب وقالوا لنا الأطباء ذالك أنها لا ولن تنجب أبدا فحينها اخذت قرار بالزواج في السر دون علمها وتزوجت بالفعل وأنجبت جميله وتوفت ام جميله أثناء ولادة جميله فلم اجد طريقه كي اقنع زوجتي  غير أن اقنعها بأن نتبني طفله من اي ملجئ وساعدني صديقي في هذا الوقت وكان مدير لجمعيه خيريه وهذه الأوراق ثبت كلامي سيدي القاضي شهادة الميلاد الاصليه ل جميله وامها الحقيقيه ... وهنا رد القاضي شهادة صحيحه ١٠٠%ولكن هذا ليس موضوعنا ولا قضيتنا قضيتنا هي إنكار نسب شريف الي الطفل هل حضرت الأوراق التحاليل التي أخذت من شريف. ..  نعم يا سيادة القاضي ...وهل حضر طبيب معها...نعم قد حضر يا سيادة القاضي...ممكن تشرح لنا التقرير الطبي امام الجميع وبأحكام حتي تتفهم هيئه المحكمه جيدا ... حاضر سياده القاضي ... تفضل .... بعد الفحص الدقيق تبيا لنا أن التحليل DNA سليم ١٠٠%ولكن المشاكل البسيطه الموجوده في تحليل DNA نتيجه لكدمه او اصابه شديده في الخصيه اددت الي انخفاض شديد في الحيوان المنوي  أيضااثرت علي الهرمونات في الجسم مما أدت الي خلل في الجسم .... يعني نفهم من كده ايه يا دكتور ... بالتحاليل الولد ابن شريف يا سيادة القاضي ...شكرا يا دكتور ...الحكم بعد المداوله . .
حكمة المحكمه بإسقاط القضيه المقدمه من شريف عبدالسلام  ضدد زوجته وطفله إثبات نسب الطفل له والالزامه بدفع مصاريف المحاماه.  رفعة الجلسه
الكل في فرحه عارمه..
عرفتي يا جميله انك بنتي  عرفت يا بابا انا بحبك اووي انت أعظم أب في الدنيا ... طيب هتعملي ايه دلوقتي مع شريف ... مش عارفه يا بابا بس تقريبا حياتنا انتهت قبل ما تبتدء انا هطلق يا بابا ... اصبري يا بنتي يمكن ربنا يصلح بنكم.... شريف حيران علي الاخر مش عارف يعمل ايه ...ايه يا عصام الواد طلع ابني ...ونت هتعمل ايه يا شريف ... مش عارف ... ايه رايك لما اتكلم مع ابو جميله ونحل الموضوع ودي ... يعني انا هقابل ابو جميله واشوف طلباتهم جميله اتأذت كتير اليومين دول ... ما انت السبب يا عصام ... انا السبب ولا امك يا شريف .. لا انت السبب يا عصام دكتور في الفاضي شوفت الدكتور التاني فسر التحليل وشرحه في المحكمه الزاي  ... امكانيات بقي يا عم شريف  كل شيء له حل انشاله
....
الجزء الثامن والاخير

شريف في حيره من أمره هو يحب جميله والان هما في مفترق الطرق هو يريد الرجوع الي جميله ويريد أن يلم الشمل مره اخري وبائت كل المحاولات بالفشل جميله لا تريد الرجوع بعد تلك المئساه .
ايه يا جميله جوزك كل ساعه يكلمني عايز يرجع يا بنتي مش ناويه ترجعي ...ارجع فين ولمين يا بابا بعد ايه انا اتظلمت ظلم محدش يستحمله انا اتهمت في شرفي ودخلت محكمه وكنت معرضه اني اتسجن بسبب جريمه معملتهاش وانت كمان يا بابا ظلمتني وماما الي هيا مش ماما ظلمتني... انا ظلمتك يا بنتي ... ايوا يا بابا ازي متعرفنيش ان ليا ام تانيه حتي كنت اروح أقرأ  لها الفاتحه علي قبرها وكمان فهمت امي التانيه اني جايه من ملجئ يعني انا بنتك وهيا حاسه انها ربتني شفقه وإحسان الكل ظلمني انا مش مسامحه حد يا بابا ... اسمعيني يا بنتي المده الي امك الله يرحمها عشتها معايا يعلم ربنا اني مقصرتش معاها في حاجه والسبب اني خبيت علي زوجتي اني متزوج هوا ان عندما عيب خلقي في القلب وممكن اي شويه زعل هيا كمان ممكن تروح مني فا عملت الحيله دي انا وصديقي الله يرحمه مات ومات السر بتاعي معاه ولما ايجت الفرصه المناسبه كله عرف انك بنتي من لحمي ودمي وانا عمري ما قصرت معاكي في حاجه متحسبنيش يا جميله علي حاجه من ٢٥سنه وفي الأول والآخر انا ابوكي يا جميله ولا انتي نسيني يا جميله ربنا قال هو ورسوله (ص)العفو عند المقدره  يا جميله ماتنسيش يا جميله العفو عند المقدره جرس الباب بيضرب انا هشوف مين ورجعلك متعمليش نايمه يمكن جوزك ...انتي ايه الي جابك هنا عيزه ايه ...عيزاك تسامحني يا ابو جميله انا غلطانه ارجوك سامحني ...اسمحك علي ايه ولا ايه اسمحك علي انك تروحي ل شريف وتقوليله ان جميله بنت حرام وأنها جايه من ملجئ ولا علي وقفتك في المحكمه وتقولي ان جميله مش بنتي عيزاني اسمحك ازاي اسمحك ازاي احنا الي بنا انتهي انتي طالق طالق اطلعي بره وابني الي علي كتفك ده انا هعرف اخده منك ازاي اطلعي بره ...الحقني يا ابو جميله قلبي هيقف قلبي قلبي .

وتخرج جميله من الغرفه مسرعه وتلتقت امها التي ربتها قبل الوقوع علي الأرض وتقول ..
ماما ماما مالك يا ماما ..الحقيني يا جميله انا هموت ...سبيها يا جميله دي مش امك انا خدت علي كده دول شويه بتعملهم انا عارفها ... ارجوك يا بابا دكتور دكتور يا بابا  .
ويذهب ابو جميله للاتصال بالاسعاف بعد أن تترجاه جميله وحضرت الاسعاف ونقلتهاالي المستشفي ...وقد تعرضت الي ازمه قلبيه شديده وهيا الآن في العنايه المركزه
ايه يا بابا الي انت عملته ده  ده كلامك ليا العفو عند المقدره  الي انت بتحكهولي لو حصل لي امي حاجه انا مش هسمحك يا بابا ... دي مش امك يا جميله افهمي بقي ...لا يا بابا دي امي الي ربتني أحسن تربيه امي يا بابا  امي لما كنت بكون  تعبانه ونايمه في السرير كنت انت بتنام وهيا سهرانه جمبي امي لما كنت انت بتزعلني كانت هيا ترضيني وتقولي ده ابوكي خايف عليكي وليعلم كده لمصلحتك يمكن هيا مخلفتنيش صحيح بس هيا عملت معايا الي امي كانت هتعمله معايا ويمكن اكتر  انا مسمحاها يا بابا ولازم تسمحها دي لو طلعت من العنايه المركزه بالسلامه قومي يا امي ارجوكي انا محتاجالك ....

وهنا شريف يحضر الي المستشفي بصحبت امه لزيارة ام جميله وإرجاع المياه الي مجاريها مره اخري .
ايه ده ايه الي جاب ده هنا انت يا بابا الي قلتله صح ...والله يا بنتي هوه الي رن عليا قلتله احنا في المستشفي مش هعرف اكلمك دلوقتي هوه الي ايجا لوحده...الف سلامه يا عمي ان شاء الله هتقوم منها بالسلامه ازيك يا جميله ...اوووف انت عايز ايه تعرف انت السبب في الي احنا فيه دلوقتي عايز ايه تاني انت لو مبعدتش عني انا هموت نفسي انا لا طايقه اشوفك ولا اسمع صوتك عايز ايه ..عايزك تسامحيني انا غلط في حقك وفي حق ابني سامحيني انا جيلك وهتحمل اي عقاب تعقبيني بيه بس نرجع لبعض يا جميله .. طلقني يا شريف طلقني وريحني...انا بحبك يا جميله وعيزك ومش هستغني عنك ...هه بتحبني من امته الكلام ده  طلقني ...يا جميله سامحيني ارجوكي انا غلط وحيات كل حاجه حلوه بنا سامحيني طب عشان خاطر ابننا ... ابنك لا تقصد ابن الحرام مش ابنك صح .
وهنا تتدخل ام شريف في الحديث .
لا يا جميله لو عيزه تعاقبي صح تعاقبيني انا انا السبب في كل ده يا جميله انا السبب انا الي شوشت تفكير ابني انا الي اتهمتك الإتهام ده انا السبب في كل ده انا السبب يا جميله ارجوكي سامحي شريف وسامحيني يا بنتي انا مبنمش الليل بسببك وسبب ابني ..
وهنا يتتدخل الطبيب في الحديث
خير يا دكتور طمنا .. المدام حالتها مستقره هيا تعرضت لازمه قلبيه شديده وقلبها ميستحملش صدمه تانيه فرجاء محدش يزعلها او يعرضها لزعل ممكن تشفوها دلوقتي بس متكلموهاش كتير وتجهدوها ....الجميع بلهفه حاضر يا دكتور
ام جميله تقول لابوا جميله سامحني ارجوك ...وهو يقول سامحتك يا ام جميله بقي كده تعمليها بجد وعيزه تروحي مني انا مقدرش استغني عنك وعن جميله وعن خالد ابننا قوي يلا بسرعه البيت وحش من غيرك ...
ام جميله تنادي علي شريف وتمسك يده وتنادي علي جميله وتمسك يدها الاخري وتجمع اليدان بعضهما بي بعض وتقول ..كلنا غلطانين يا اولاد كلنا غلطانين بلاش الشيطان يتحكم في غضبنا اكتر من كده سامحي شريف يا جميله عشان خطري وسامحيني وسامحي ابوكي وسامحي ام شريف كمان العفو عند المقدره يا جميله العفو عند المقدره عشان ابنك يا جميله....يا ماما بس لما تخرجي من المستشفي نتكلم ارتاحي انتي بس الدكتور قال متجهديش نفسك .... لا يا جميله لو خايفه عليا صحيح تخرجي الآن علي بيت زوجك مشفكيش غير بعد شهر ... ايه الكلام ده يا ماما ... هوه كده يا جميله لو مش وهترجعي لزوجك... انا كمان والله ما هرجع وابوكي كمان ... يا ماما ... لو انا ماما صحيح ومن قلبك ترجعي لزوجك ...خلاص يا ماما الي انتي عيزاه بس ارتاحي
ويعم الفرح المكان والسرور ورجعت جميله ل شريف  وام جميله رجعت كمان ل ابو  جميله  واصتلح الجميع .ويتبقي شئ بسيط من الزعل ولكن سوف يذهب مع الوقت ....

النهايه .......