رسالة من شخص هآم عشقاً بفتاة بريئة واكثر ..

رسالة من شخص هآم عشقاً بفتاة بريئة واكثر ..


شتئتلك كتير .. كل ما بقول تخطيتك بيطلع شي بيزكرني فيكي كل ما بئول نسيتك بتكزبني نبرة صوتي ! بكزبني قلبي .. بلأحرى وجع قلبي : ) بتحجج بلوئت ع ئولة شهر كئيب ، جو كئيب ، ذكريات ، صور ، غنية ، بحة صوت ، ريحة عطر ! بس الذكرى انتي .. والشهر انتي .. والجو انتي .. والصور انتي .. والأغاني كلا صوتك انتي ! .. والعطر كلو والجو كلو عطرك انتي 💔 كلشي حوليي انتي كيف بطلع بكل لوجوه وبشوفك ! كيف بسمع صوتك بدون ما تحكيني ! كيف عم اعملك هوا كرمال ما أختنق ؟ عم تكسرني كل تفاصيلك بس كسر من غير نوع 😉 نحنا خلقنا من طين ايه ! بس هاد الطين لما ينشف متل ما نشف قلبي ; رح يتكسر 🙂 ورح يصير رماد رماد قلبي حتى ع شكلك انتي ! وهاد الرماد بشوفك لكل لما توصل لمرحلتو قوي.. قوة ما صفي شي ممكن يكسرا ( اكتر من هيك ) بس الواقع انو هاد الرماد وائف على حبال الوقت وبس بدو ; نفخة ; لحتى يطير وياريت فيني طير واوصلك! بيضلو يحكو يلي ما باسو الصور ما حبو بس الواقع انو يلي ما مسحو الصور هني يلي ما حبو 😉 و دخلك المسح شو بفيد ؟ إن كانت ملامحك بكل تفاصيل حياتي !! إن كانت الاغاني والصور والذكريات والقهوة والدخان وكلشي مرتبطة فيكي ؟ كل يوم عم بعطي حالي أمل بضحك ع حالي ب إني نسيت .. إني قويت .. إني هدمتك! بس الواقع اني عم بهدم حالي و ولاااشي غير حالي ! ماني ضعيف لا بس بنفس الوقت ما نسيتك مو لأنك مميزة .. لانو مابدي انساكي عم خاف انسا ملامحك ^^ عم خاف انسا تفاصيلك مابدي انسا شي فيكي ! لأنك احلا و أبشع شي مر بحياتي 😉 مرات بوهم حالي اني خلقتك بخيالي وبإنك ما كنت موجودة لأنك لو نوجدتي ونوجد شخص بمثاليتك مارح يكون في قوة بتاخدك مني عم بخلق حدا جديد مني عم عيش شخصيتين ب حيات وحدة ! عم حمل حالي أكبر من همي بكتير 🙂 عم اخلق ناس جداد ومشاكل جديدة وحكي جديد وشكل جديد على أمل بناء شخصية حديدية ! بس حتى الحديد بصدي كتر الدق علحجر بهدو دخلك شو كنتي مستنيه من شئفة هلقلب؟ حتى الحيط عم كون متل لحيط صلب بارد قوي بتكي الكل عليي وما بحني راسي لحدا 😉 بس الواقع انو حتى الحيط ممكن يكون من جوا فاضي ومتلبد حتى الحيط بلشتا بنشي وبيبكي! لك حتى السما بتبكي متلي هلئ .. كلشي فيني عم يبكي إلا عيوني ! هي كرامة ؟ هي قوة ؟ هي قناعة ؟ مابعرف بشو فيني اوصف أو عبر ودخلك الحكي عن شو بدو يعبر ليعبر؟ صرت خاف من اي شي بغرفتي يحكي لو حكا شو رح يفضحني وشو رح يحكي عني قصص ! عن حكي كتبتو وما بعتو عن ضحكة كتبتا وانا عم ببكي ! المشاعر الإلكترونية بقدر ما هية منيحة وعلى قدر ما لازم نشكرا لانو بتخفف عننا ، بنفس القدر هية جرم كبير عم نعملو بحق قلوبنا .. ودخلك صفي فينا قلوب ؟ يمكن تقرئي ويمكن لاء ويمكن بس تقرئي تصفني بلحكي .. تصفني ب انو طلع مني و ب أنو ع مين قصدي ؟ مارح تعرفي حالك لانو حدا متلي بمحيطو كل هي الناس شو بدو يخليكي تفكري حالك المقصودة ؟ ماحدا غيري بيعرفك انك بقلبي لكل بظن بشخص تآني شخص يا ريتو بيشبهك يا اول حب و أول ضحكة و أول عمري الحلو و يا اول كسر وأول حرقة قلب وأول كئابتي الحلوة يا سبب الضحكة والدمعة 💙 يا دقة هلقلب 😉 مرات كلشي فينا بيموت بس بيصفا موت الجسم الموت الأعظم بيصفا لحتى يجي وياخد كل تفاصيل أجسامنا المهدودة والمكسورة والمخدرة لحتى يجي ويسحب كل بقايا الوجع ويصير تراب .. ودخلك شو فاد هلحكي ؟ من الحكي يلي نفسي وصلك ياه انو كان نفسي حس إني شي غالي عليكي وبتخافي تخسري 🙂 حبيتك وبحبك 😉 لما نحكا كفى تظهرين في كل امراءةٍ اعرفُها  أو لمن فيني احكيلك  كفى تظهر في كُل تفصيلٍ يُصادفُني  مو القصد انو لكل بيشبهك لا بلعكس ماحدا بيشبه ضفرك 💔 بس درجة الوهم والكسر والشوق تعدت مرحلة الإدمان وصارت مرحلة تفكير ب كيف بدي اعمل هلناس وهلتفاصيل بتشبهك؟ متل ما عملت من حالي شخصية تانية لحتى اقدر اكرهك .. وصاير فيني كسر بين شخصيتين خناق يومي بين تنتين جواتي واحد بدو ياكي وبدو يرجعلك وبدو يكون معك وإلك وفيك وواحد عم يدعس على قلبو وعلى التاني اكتر من ما بتدعس على عتبة البيت .. شيرين لما قالت  لو عطشان لأمان ح تموت عطشان مهو من بعدي ما كان القصد انو هو رح ينقص فيها أو بلاها .. لاء القصد انو ماحدا بيقدر يرويه ويحبو بنص الحب يلي هي حبتو ياه ..💔✋ .

قيدك_باقٍ ولا بعمرو رح يزول .



نهاية....