الملعون وإبنته ... الجزء الثاني والأخير

الملعون وإبنته

الجزء الثاني
...........
وفقت...
اه فقت...
بس ماكنتش فالاوضه بتاعت حسنات
ولا فالمكتب ولا فالمستشفى اصلا...
انا فأوضه الاضائه بتاعتها بيضه محمره
وفرشها فرش فلاحي بس ماكنتش لواحدي كان في راجل شكله وحش اوي وبنت قاعده مربوط ايديها ورا ظهرها وفي شوال متعلق بحبل مربوط فالسقف والشوال غرقان دم والراجل ده ماسك عصايا غليظه وعمال يضرب فالشوال ده والشوال كان فيه حد بيتحرك وعمال بيقول ....
((((أطلب منكم يا شياطين الارض والعالم السفلي  ان تستحوزوا على روح خادمتكم سماح وتقديمها قربان للملك الاعظم بحق حاث القبور بحق الارواح الشيطانيه بحق الشياطين السفليه وشياطين النار وسكان جهنم 
اطلب منكم ان تستحوذوا على روح خادمتك سماح وتقديمها للحارس الشيطان الاعظم ملك الشياطين السفليه)))))
وفجأه الدنيا اتبدلت ولاقيت نفسي فأوضه تانيه والراجل ده موجود وكاسك فأيده كرباج وعمال يضرب بنت ..
البنت دي كانت حسنات 
وكان بيقولها...
(((((اسمعي يا بت انتي مش انتي اللي هتقفي فطريق نعيم خادم الشيطان الاعظم الشيطان الاعظم المرادي طلب روحك انتي وقاللي ان المكافئه بتاعتي هيا الخلود انا مش هموت ابدا انا نعيم ومحدش يقدر يقف فطريقي ولا يقدر يهزمنيهتسمعي الكلام ولا اقتلك ذي ماقتلت امك سماح ودفنتها فالبدروم تحت )))))
ردت حسنات  وقالت
(((((( اناهسمع الكلام حاضر حاضر هنفز اللي انت عايزه))))
والدنيا لفت بيا تاني ولاقيت نفسي فمكان اشبه بالقبر   مكان كئيب جدا والنو كان عباره عن شمع  بخور مالي المكان وحسنات قاعده ماسكه كوبايه فأديها ونعيم واقف ادامها بيقولها
(((((الدوا ده هينيمك ومش هيخليكي حاسه بحاجه خالص يا حسنات اشربيه ولف بيحضر حاجه من ورا راحت حسنات جابت زجاجه من تحت الكرسي الموجود وكبتها عليه ومسكت شمعه من السمع وراحت حدفاها عليه وخرجت وقفلت الباب وبقيت انا ونعيم فالاوضه وشفته وهوا بيتحرق وبيولع  كان بيقول وهوا بيصرخ..
(((((افتحي يا حسنات اعاااااا افتحي انتي فاكره ان الحكايه كده خلصت لا انا مش هسيبك فحالك سيدي الشيطان الاعظم هيخليني اجيلك تاني هرجعلك يا حسنات هرجعلك تاني يا حسنات  اعااااااااااااا.............)))))
وفجأه لاقيت نفسي بره البيت خالص والبيت كله بيولع والمصيبه ان الناس واقفه بتتفرج محدش فكر انه يطفيه
الدخان كان جامد جداا فغمضت عيني فتحت عيني على اذان الفجر وانا قاعده وحسنات قاعده جنبي فالاوضه طلعت التليفون ورنيت على دكتور محمود جالي يجري وفتحلي الباب ورحنا قعدنا فالمكتب وحاكتله اللي حصل
قاللي وهنعمل ايه
قلتله انا اعرف شيخ معالج بالقرأن ممكن يساعدنا
بس هنعرف ندخله قاللي كله بالفلوس..
قلتله تمام بكره هنيجي انا وهوا الساعه 10 بالليل
طبعا مش محتاجه احكي الكوابيس اللي طاردتني وانا نايمه فبتنا من الملعون نعيم..
وصحيت ورحت للشيخ ابراهيم وحاكتله اللي حصل كله قاللي انا لازم اشوفها
وجت الساعه 10 وكنا ادام المستشفى ودخلنا كان دكتور محمود تعبان جدا عشان بقاله يومين مطبق راح قايلي انا لازم امشي عشان بنتي سايبها بقالي يومين عند عمتها ولازم اتطمن عليها
قلتله لا ابوس ايدك استني نخلص وامشي الصبح...
قاللي ماشي
الاحداث ما استنتش لان بمجرد دخول الشيخ سمعنا صرخات رهيبه رحنا عند حسنات لاقناها نايمه بهدوء عالسرير
دخلت انا والشيخ ومحمود راح الشيخ طلع من شنطته اربع مسامير كبار وشاكوش ودقهم فنص الاوضه على هيئة مستطيل وطلع ازازه فيها سائل كده لونه اسود وعمل دايره حوالين المستطيل وقالنا هاتوها نيموها جوه الدايره فالنص وطلع حبل وبعد ما نيمناها ربطها فالاربع مسامير كل طرف من اطرافها فمسمار من المسامير الاربعه
وبدأ يقول..
(((بسم الله الرحمن الرحيم
يا معشر الجن والانس ان استطعتم ان تنفذوا من اقطار السماوات والارض فانفذوا لا تنفذون الا بسلطان
بسم الله الرحمن الرحيم
الله لا اله الا هو الحي القيوم ........
(آية الكرسي)
وجه عند الايه دي وقبل مايقولها قال
بحق العهود السريانيه التي عقدها سيدنا سليمان بإذن ربه الا تأذوننا

بسم الله الرحمن الرحيم
ومن الجن من يعمل بين يديه بإذن ربه ومن يزغ منهم عن امرنا نذقه من عذاب السعير))))
اول ما قال الايه دي حسنات صرخت وراحت بصالنا وقعدت تقول بصوت غريب انا نعيم وهقتلكم كلهم ذي ما قتلت سماح وفجأه صوت حسنات اللي اول مره نسمعوه
ارجوكو فكوني هيموتني انا بترجاكم
بصيت للشيخ ابراهيم وقلتله انا هفوكها قالي لا الروح اللي مستحوذه عليها دي روح شريره بتحاول تضحك عليكم
وراح راشش من الزجاجه اللي كانت فأيده وقال
ان عبادي ليس لك عليهم سلطان
اعوذ بك ربي من كل شيطان رجيم
اعوذ بك ربي من كل روح شريره
اعوز بك ربي من همزات الشياطين واعوذ بك ربي ان يحضرون
احفظ روح حسنات بنت سماح من هذه الروح الشريره
بسم الله الذي لا إله الا هو الحي القيوم فالتزهب الى عذاب السعير

وفجأه.....
طلع دخان اسود من فمها ومن عنيها 
وفقدت الوعي وبعد ما ده حصل على طول

الله اكبر الله اكبر
الله اكبر الله اكبر
اشهد ان لا اله الا الله
اذان الفجر ...
الشيخ ابراهيم بصلي وقالي الحمد لله تمت المهمه بنجاح ...
وحسنات فاقت وراحت جرت فحصني وقالتلي متشكره جدا  انا الحمد لله اتحسنت اوي حاسه ان روحي رجعتلي تاني ...الف حمد والف شكر ليك يا رب
والحمد لله انا ارتحت جدا ومحمود روح وانا مارست شغلي تاني ومحمود جه استلم مني الشفت وحسنات رجعت العنبر تاني وانا روحت البيت اتعشيت مع ماما ودخلت انام صحيت على صوت ضحكه مرعبه...
فتحت عنيه لاقتني مربوطه من اطرافي كلها وشخص ماسك شمعه وبيقرب عليا
لما قرب شفته....
نعيم....
 وشه مشوه محروق
ورااح قايلي

(((((انتي فاكره ان الحكايه خلصت ههههههههه لا يا ولاء انتوا حررتوني من جسم حسنات انتوا كده جنيتوا على نفسكوا كل اللي دخل فحكايتي وسمعها وكل اللي سمع اسم نعيم نعيم مش هيسيبه فحاله هجيله هاجيله فكوابيسه واحلامه مش هخليه ينام الليل)))))
انا اسفه ان انا خليتكم تقروا الحكايه انا دلوقتي عايشه فجحيم
عارف يعني ايه انك تيجي تغسل وشك وتبص فالمرايا تلاقي نعيم وراك بوشه المشوه
عارف يعني ايه انك تصحى من النوم تلاقيك متكتف ونعيم بيولع فيك
هوا قال ان اي حد هيسمع حكايته هيروحله يمكن لما ناس كتير تسمع حكايته يروحلهم ويسبني فحالي انا تعبت بجد والله تعبت من نعيم..

نهاية ...........شكرا لكل المتابعين